ເຂດເສດຖະກິດພິເສດສາມລ່ຽມທອງຄຳ

ເຂດເສດຖະກິດພິເສດສາມຫຼ່ຽມຄຳ

Kings Romans of Laos ASEAN economic & tourism development zone ເຂດພັດທະນາເສດຖະກິດ ແລະ ການທ່ອງທ່ຽວໃນພື້ນທີ່ອາຊຽນ Entertainment Area ຄົບວົງຈອນດ້ວຍເງິນລົງທຶນກວ່າ 3 ພັນລ້ານໂດລາ ຂອງກຸ່ມທຶນຈີນ ທີ່ເດີນໜ້າເນລະມິດ ພື້ນທີ່ 827 ເຮັກຕາ ຫຼື 5168.75 ໄຮ່ ເຊິ່ງມີກຳນົດ ເປີດບໍລິການເຂດທຳອິດ ໃນວັນທີ 09.09.2009 ເວລາ 9:09 ໂມງ ຈະມີສ່ວນໃນການປ່ຽນໂສມໜ້າໃໝ່ຂອງສາມຫຼ່ຽມຄຳ ລວມເຖິງອະນາຄົດ ການຄ້າ-ການລົງທຶນໃນເຂດລຸ່ມນ້ຳຂອງຕອນເທິງ. ພາຍໃຕ້ຄວາມຮ່ວມມືລະຫວ່າງບໍລິສັດດອກງິ້ວຄຳໜຶ່ງໃນກຸ່ມທຶນຈາກ ສ.ປຈີນ ທີ່ເຂົ້າມາສຳປະທານເນື້ອທີ່ 827 ເຮັກຕາໃນເມືອງຕົ້ນເຜິ້ງ ແຂວງບໍ່ແກ້ວ ສປປລາວ ເພື່ອສ້າງ ສະຖານບັນເທິງຄົບວົງຈອນ ແຄມນ້ຳຂອງ ມູນລະຄ່າ 3 ພັນລ້ານໂດລາ ດ້ວຍອາຍຸສຳປະທານນານເຖິງ 75 ປີ ແລະ ສາມາດຕໍ່ອາຍຸໄດ້ອີກ 14 ປີ ລວມ 99 ປີ. ມີທ່ານ ຊຸນ ລີ່ເວີນ ກຳມະການຜູ້ຈັດການ ບໍລິສັດຈິນມູເໝິນ ຈຳກັດ. ກຸ່ມບໍລິສັດດອກງິ້ວຄຳ ໄດ້ທຸ່ມທຶນເພື່ອສ້າງໃຫ້ເປັນເຂດເສດຖະກິດການຄ້າ ແລະ ການບໍລິການຢ່າງຄົບວົງຈອນ ຮອງຮັບຄວາມຮ່ວມມືຂໍ້ຕົກລົງວ່າດ້ວຍ ເຂດການຄ້າເສລີອາຊຽນ FTA(FREE TRADE AREA)ລະຫວ່າງຈີນ ແລະ ອາຊຽນ ພາຍໃນອີກ 10 ປີຕໍ່ໜ້າ. ພາຍໃນເຂດເສດຖະກິດພິເສດນີ້ຈະປະກອບດ້ວຍ: ແນວປ້ອງກັນຕາຝັ່ງເຈື່ອນ, ຖະໜົນ, ໂຮງຮຽນ, ຮ້ານອາຫານ, ໂຮງໝໍ, ໂຮງແຮມ, ອາຄານພານິດ, ຕະຫຼາດ, ຊຸບເປີມາກເກັດ, ສະໜາມກ໊ອບຂະໜາດ 36 ຂຸມ, ເຂດຫັດຖະກຳ, ອຸດສາຫະກຳເບົາ, ເຂດທ່ອງທ່ຽວດອນຊາວ, ເຂດຜະລິດຕະພັນຢາສະໝຸນໄພ ແລະ ອື່ນໆ. ເພື່ອຮອງຮັບການລົງທຶນຕໍ່ໄປ. ຈາກນີ້ເຖິງປີ 2017 ຈະມີການລົງທຶນອີກ 2,914 ລ້ານໂດລາເພື່ອພັດທະນາ ເປັນເຂດເສດຖະກິດການຄ້າ ແລະ ການບໍລິການຢ່າງຄົບວົງຈອນຕາມເປົ້າໝາຍຢ່າງເຕັມຮູບແບບ ໂດຍຈະເນັ້ນ ພັດທະນາເປັນເຂດທ່ອງທ່ຽວທາງທຳມະຊາດ ແລະ ວັດທະນະທຳອາຊຽນ-ຈີນ, ເຂດການຄ້າປອດພາສີ, ເຂດພັດທະນາອຸດສາຫະກຳການກະສິກຳ-ລ້ຽງສັດຄົບວົງຈອນ, ເຂດພັດທະນາການສຶກສາ, ສາທາລະນະສຸກ, ເຂດສູນກາງການສົ່ງອອກ, ເຂດພັດທະນາໄອຊີທີ-ຄອມພິວເຕີ, ສູນບໍລິການການເງິນ-ທະນາຄານ ແລະ ສູນບໍລິການດ້ານການຂົນສົ່ງ ຯລຯ. ໂຄງການທັງໝົດແບ່ງອອກເປັນ 32 ໂຊນ, ໂຊນທີ 23 ແມ່ນທ່າເຮືອຢູ່ນ້ຳຂອງ, ໂຊນທີ 1-8 ເປັນ ໂຮງແຮມລະດັບ 5 ດາວ ແລະ ອາຄານຕ່າງໆ,ໂຊນທີ 18 ແມ່ນເກາະດອນຊາວເປັນເຂດຮ້ານຄ້າ ປອດພາສີ ຯລຯ. ເຊິ່ງໂຄງການນີ້ເປັນ 1 ໃນ 80 ຄາສິໂນໃຫຍ່ອ້ອມຮອບຊາຍແດນຂອງ ສ.ປຈີນ(ເຂດພະມ້າ,ລາວ ແລະ ຫວຽດນາມ).

ໂຄງການໃຫ້ຄວາມສຳຄັນຕໍ່ການທ່ອງທ່ຽວຫຼາຍ ແລະ ເຫັນວ່າຜູ້ປະກອບການທ່ອງທ່ຽວຈາກປະເທດໄທ ມີຄວາມສຳຄັນ ສາມາດຮ່ວມມືກັບໂຄງການໃນການພັດທະນາການທ່ອງທ່ຽວໄດ້ອີກຢ່າງຫຼວງຫຼາຍ ທັງນີ້ປະຈຸບັນໂຄງການໄດ້ແບ່ງການພັດທະນາອອກເປັນ 5 ໂຊນຄື: ໂຊນ A ເປັນເຂດເສດຖະກິດພິເສດເນັ້ນດ້ານການຄ້າພານິດ ກາສິໂນ ແລະ ອື່ນໆ, ໂຊນ B ເປັນກິດຈະການທ່າເຮືອ, ໂຊນ C ເປັນກິດຈະການດ້ານວັດທະນະທຳ, ໂຊນ D ເປັນກິດຈະການດ້ານບູຮານສະຖານ ແລະ ໂຊນ E ເປັນເຂດການທ່ອງທ່ຽວທຳມະຊາດ ມຸ້ງເປັນສູນກາງເສັ້ນທາງການທ່ອງທ່ຽວ ຈາກ ສິບສອງປັນນາ ແລະ ຫລວງພະບາງ. ລວມທັງ ແຂວງຊຽງໃໝ່-ບາງກອກ ຂອງປະເທດໄທດ້ວຍ “ອີກປະມານ 10 ປີໂຄງການກໍຈະສຳເລັດສົມບູນ ແລະ ຈະມີປະຊາກອນໃນພື້ນທີ່ເພີ່ມຫລາຍຂຶ້ນເຖິງກວ່າ 200,000 ຄົນ ແລະ ເຮົາເຫັນວ່າດ້ານການທ່ອງທ່ຽວເປັນສິ່ງສຳຄັນສຳລັບການພັດທະນາພື້ນທີ່ນີ້ຫຼາຍ. ປະຈຸບັນກໍຄືບໜ້າໄປຢ່າງຕໍ່ເນື່ອງທັງການກະສິກຳ,ໂຮງແຮມ, ບ່ອນຄາສິໂນ…ຫຼ້າສຸດຫ້າງສັບພະສີນຄ້າເອດິສັນ ຈາກປະເທດໄທ ກໍກຽມຈະໄປເປີດກິດຈະການໃນໂຄງການ ຂະນະດຽວກັນມີກຸ່ມທືນ ຈາກຈີນຫລາຍກຸ່ມສົນໃຈເຂົ້າໄປລົງທືນ. ສຳລັບການພັດທະນາເຂດການທ່ອງທ່ຽວ ໃນໂຄງການນີ້ ໄດ້ແບ່ງອອກເປັນ 6 ໂຊນ, ໄດ້ແກ່ໂຊນ 1 ຈັດໃຫ້ເປັນສະຖານທີ່ທ່ອງທ່ຽວທາງປະຫວັດສາດກ່ຽວກັບຂຸນສ່າ ຊຶ່ງກ່ຽວຂ້ອງກັບຊາຍແດນດ້ານນີ້, ໂຊນ 2 ເກາະດອນຊາວໂດຍກ່ຽວຂ້ອງກັບດອກງິ້ວ ແລະ ຕະຫລາດສິນຄ້າຊາຍແດນ, ໂຊນ 3 ຊຸມຊົນພະມ້າໂດຍຈັດໃຫ້ເປັນສູນກາງກ່ຽວກັບຊາວພະມ້າ, ໂຊນທີ 4 ບູຮານສະຖານອານາຈັກເກົ່າແກ່ສຸວັນນະໂຄມຄຳ, ໂຊນ 5 ທ່າເຮືອບ້ານມອມ ຊຶ່ງມີຕະຫຼາດ ແລະ ຊຸມຊົນລາວ ແລະ ໂຊນ 6 ທຳມະຊາດຂອງສວນປ່າ ແລະ ໄມ້ດອກໄມ້ປະດັບ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

%d bloggers like this: