ຂົວຂ້າມແມ່ນ້ຳຂອງ ເບີ 4 ຖືກໂຈະ

2011-10-14

ໂຄງກາຣ ສ້າງຂົວ ມີຕພາບ ລາວ-ໄທຽ ຂ້າມ ແມ່ນ້ຳຂອງ ແຫ່ງທີ່ 4 ຖືກໂຈະ ໄວ້ເປັນກາຣ ຊົ່ວຄາວ.

Phieng Chansina/Singkeo Bouphavichit

ໂຄງກາຣສ້າງ ຂົວ ມີຕພາບ ລາວ-ໄທຽ ຂ້າມ ແມ່ນ້ຳຂອງ ແຫ່ງທີ່ 4 ທີ່ຖືກ ໂຈະໄວ້. ບ່ອນສ້າງ ໄກຈາກ ຕົວເມືອງ ຫ້ວຍຊາຍ ລົງໄປ ທາງໃຕ້ ປະມານ 10 ກວ່າ ກິໂລແມັດ

ກົດຟັງສຽງ

ໂຄງກາຣ ກໍ່ສ້າງ ຂົວ ມີຕພາບ ລາວ-ໄທຽ ແຫ່ງທີ່ 4 ຂ້າມແມ່ນ້ຳຂອງ ຢູ່ເຂຕ ເມືອງຫ້ວຍຊາຍ ແຂວງບໍ່ແກ້ວ ແລະ ເມືອງຊຽງຂອງ ແຂວງຊຽງຮາຍ ຂອງໄທຽ ຖືກໂຈະໄວ້ ເປັນກາຣ ຊົ່ວຄາວ ຍ້ອນມີ ບັນຫາ ບາງຢ່າງ ທີ່ ບໍ່ສາມາຕ ຕົກລົງກັນ ໄດ້ເທື່ອ.

ໜັງສືພີມ YaleGlobal online ໄດ້ຣາຍງານ ໃນມື້ວັນ ພຣະຫັດ ທີ່ 13 ຕຸລາ ນີ້ວ່າ ໃນປີ ຜ່ານມາ ທາງກາຣລາວ ໄດ້ລົງນາມ ໃນຂໍ້ ສັນຍາ ວ່າດ້ວຍ ຄວາມເຂົ້າໃຈ ຫລື MOU ກັບ ບໍຣິສັທ ສ້າງທາງ ແລະ ຂົວ ຂອງ ສປຈີນ ເພື່ອໃຫ້ ສ້າງຂົວ ຂ້າມ ແມ່ນ້ຳຂອງ ແຫ່ງທີ່ 4 ເພື່ອເຊື່ອມໂຍງ ກັບ ເສັ້ນທາງຫລວງ ຈາກຝັ່ງໄທຽ ຜ່ານເຂຕ ແຂວງພາຄເໜືອ ຂອງລາວ ຂຶ້ນໄປເຖິງ ແຄວ້ນ ຢູນນານ ຂອງຈີນ ແລະ ຕໍ່ໄປຍັງ ແຂວງ ດຽນບຽນຟູ ໃນ ວຽຕນາມ.

ແຕ່ຍັງມີ ບັນຫາ ຢູ່ທີ່ວ່າ ທາງກາຣຈີນ ຕ້ອງກາຣ ທີ່ຈະນໍາເອົາ ຄົນງານ ຊາວຈີນ ເປັນຈຳນວນ ຫລວງຫລາຍ ພ້ອມກັບ ນັກຊ່ຽວຊານ ຝ່າຍ ວິຊາກາຣ ຕື່ມອີກ ແທນທີ່ ຈະຈ້າງ ຄົນລາວ ເພື່ອເປັນກາຣ ຊ່ວຍໃຫ້ມີ ວຽກເຮັດ ງານທຳ ຕາມທີ່ ທາງກາຣລາວ ໄດ້ສເນີ ໄປນັ້ນ ແລະ ພ້ອມດຽວກັນ ທາງກາຣຈີນ ກໍຍັງມີ ໂຄງກາຣ ທີ່ຈະສ້າງ ໂຮງຄາຊີໂນ ແລະ ພັທນາ ແຂວງບໍ່ແກ້ວ ໃຫ້ກາຍ ເປັນເຂຕ ເສຖກິຈ ພິເສດ ເພື່ອຫວັງ ຈະນຳເອົາ ຊາວຈີນ ບໍ່ຕໍ່າກວ່າ 3 ແສນ ຄົນ ເຂົ້າມາ ຄ້າຂາຍ ທີ່ຍີ່ງເຮັດໃຫ້ ທາງກາຣລາວ ບໍ່ເຫັນດີນຳ ຈຶ່ງມີກາຣ ຍຸຕິ ໂຄງກາຣ ດັ່ງກ່າວ ນີ້ໄວ້ ຈົນກວ່າ ຈະມີກາຣ ພິຈາຣະນາ ກັນໃໝ່.

ຂົວ ມິຕພາບ ລາວ-ໄທຽ ຂ້າມແມ່ນ້ຳຂອງ ແຫ່ທີ່ 4 ດັ່ງກ່າວ ຈະມີ ຄວາມກວ້າງ 14.7 ແມ໊ຕ ແລະ ຍາວກວ່າ 480 ແມ໊ຕ ໂດຽແມ່ນ ທາງກາຣໄທຽ ແລະ ສປຈີນ ເປັນຜູ້ ອອກທຶນ ຝ່າຍລະເຄີ່ງ ຫລື 50/50 ຂອງ ມູລຄ່າ ກໍ່ສ້າງ ທັງໝົດ ປະມານ 59 ລ້ານ ດອລລາຣ໌ ສະຫະຣັຖ.

ເມືອງຜາອຸດົມ

ໃຕ້­ປີກ­ຍົນ RT 72 ຕອນ­ບິນ­ຜ່ານ­ໄຊຍະ­ບູລີ ສູ່ເມືອງ­ຫ້ວຍ­ຊາຍ
Picture@Bailane.com
ສອງ­ຟາກ­ຝັ່ງ­ຂອງ ແມ່ນ­ດິນ­ແດນ­ຂອງ­ສປປ.ລາວ ບົນເສັ້ນ­ທາງ­ສູ່ເມືອງ­ຜາ­ອຸດົມ ບໍລິເວນ­ບ້ານດອນ­ສະ­ຫວັນ ມ. ຫ້ວຍ­ຊາຍ-ບ້ານ­ຫ້ວຍ­ທອງເມືອງ­ປາກ­ທາ (ສ່ວນ­ຊາຍ­ແດນ ລາວ-­ໄທ ຢູ່­ຝັ່ງ­ໄທ­ແມ່ນ­ຜາ­ໄດ)
Picture@Bailane.com
ນໍາ້­ຕົກ­ຕາດ (ນໍາ້­ຕາ­ແມ່ນາງ­ອົ້ວ ໃນ­ນິ­ທານ ທ້າວ­ຂຸນ­ລູ-ນາງ­ອົ້ວ) ໃນເຂດ­ບ້ານ ປາງ­ທອງ 8 ກມ. ຈະ­ເຖິງເມືອງ­ຜາ­ອຸດົມ

Picture@Bailane.com
ທົ່ງນາຊາວ­ບ້ານນາ­ໂຮມ ເຂດ­ປາງ­ທອງ ເມືອງ­ຜາ­ອຸດົມ
…………………………

ເມືອງ­ຜາ­ອຸດົມ

ຜາ­ອຸດົມ ເປັັນເມືອງ­ພູດອຍ ທຸກຍາກ ມີເນື້ອ­ທີ່­ທັງ­ໝົດ 1,579 Kmເປັນເມືອງ­ໜຶ່ງ­ທີ່­ຕັ້ງ­ຢູ່­ທາງ­ທິດ ຕາເວັນອອກ­ສ່ຽງ­ໃຕ້­ຂອງ­ແຂວງ­ບໍ່­ແກ້ວ ຫ່າງ­ຈາກ ເມືອງ­ຫ້ວຍ­ຊາຍ-ເທສະ­ບານ­ແຂວງ­ປະ­ມານ 66 Km, (ບໍ່­ແກ້ວ­ມີ 5 ເມືອງ ຄື: ເມືອງ ເມີງ, ເມືອງ­ຕົ້ນເຜີ້ງ, ເມືອງ­ຜາ­ອຸດົມ, ເມືອງ­ປາກ­ທາ ແລະ­ເມືອງ­ຫ້ວຍ­ຊາຍ) ທິດ ເໜືອ ຕິດ­ກັບເມືອງນາ­ແລ, ແຂວງ­ຫຼວງ­ນໍາ້­ທາ, ທິດ­ຕາເວັນ ອອກ­ຕິດ­ກັບ ເມືອງ­ຮຸນ ແລະ­ ທິດ ໃຕ້­ຕິດ­ກັບເມືອງ­ປາກ­ແບ່ງ, ແຂວງ­ອຸດົມ­ໄຊ. ທິດ­ຕາເວັນ­ຕົກ ຕິດ­ກັບເມືອງ ປາກ ທາ

ພູມ­ສັນ­ຖານ­ຂອງເມືອງ ມີ­ພູດອຍກວມເອົາ 75%, ເຂດ­ທົ່ງ­ພຽງ­ມີ 25%, ມີ­ຈໍານວນ ບ້ານ­ທັງ­ໝົດ 84 ບ້ານ, 6,654 ຫຼັງ­ຄາເຮືອນ, 8,094 ຄອບ­ຄົວ, ພົນ ລະ­ເມືອງ­ລວມ­ທັງ­ໝົດ 40,684 ຄົນ, ຍິງ 20,383 ຄົນ, ໃນ­ນັ້ນ­ປະ­ກອບ­ມີ 6 ຊົນ ເຜົ່າ­ດ້ວຍ­ກັນ ຄື: ເຜົ່າລາວ, ເຜົ່າ­ລື້, ເຜົ່າ­ໄທ­ດໍາ, ເຜົ່າ­ກຶມ­ມຸ, ເຜົ່າລະ­ເມດ, ແລະ­ ເຜົ່າ­ມົ້ງ, ອາ­ຊີບ­ຕົ້ນ­ຕໍຂອງ­ປະ­ຊາ­ຊົນ ແມ່ນເຮັດນາ, ເຮັດ­ໄຮ່ ປູກເຂົ້າ ອາ­ຊີບເສີມ­ແມ່ນ ປູກ­ສາ­ລີ ເຂົ້າ­ໂພດ ແລະ­ໝາກເດືອຍ.

ສະຫນາມບິນເມືອງຕົ້ນເຜິ້ງຍຸດທະສາດເຊື່ອມໂຍງສາກົນໃນອະນາຄົດ

    ອີກບໍ່ດົນຈະມີສະຫນາມບິນທີ່ມີເສັ້ນທາງຂຶ້ນ-ລົງ (Runway) ໄລຍະເກືອບ 3 ພັນແມັດໃນເຂດເສດຖະກິດພິເສດສາມຫລ່ຽມຄຳທີ່ເມືອງ ຕົ້ນເຜີ້ງ ແຂວງບໍ່ແກ້ວ ໂດຍລັດຖະບານລາວເຫັນພ້ອມໃຫ້ສ້າງເພື່ອພັດທະນາແລະສົ່ງເສີມວຽກງານການຄົມມະນາຄົມທາງອາກາດໃຫ້ມີ ຄວາມເຂັ້ມແຂງເຊື່ອມຕໍ່ສາກົນເຂົ້າມາສປປລາວໄດ້ງ່າຍທັງເປັນສິ່ງເອື້ອອຳນວຍຄວາມສະດວກແກ່ນັກລົງທຶນເຂົ້າມາພັດທະນາໃນເຂດພາກ ເຫນືອຂອງລາວໃຫ້ນັບມື້ຫລາຍຂຶ້ນ.

ລັດຖະບານລາວອະນຸມັດໃຫ້ບໍລິສັດດອກງິ້ວຄຳຈຳກັດດຳເນີນການສຳຫລວດກໍ່ສ້າງສະຫນາມບິນສາກົນຢູ່ເຂດເສດຖະກິດພິເສດສາມຫລ່ຽມຄຳເມືອງຕົ້ນເຜິ້ງແຂວງບໍ່ ແກ້ວ ດ້ວຍໄລຍະຂອງເຮືອບິນ 2.700 ແມັດ ແລະ ສາມາດຂະຫຍາຍເປັນ 3.000 ແມັດ ດ້ວຍການປະຕິບັດຕາມກົດ 4C ອົງການການບິນພົນລະເຮືອນລະຫວ່າງປະເທດ (ICAO) ໃນເນື້ອທີ່ດັ່ງກ່າວປະກອບມີອາຄານຜູ້ໂດຍສານ, ອາຄານຄວບຄຸມການບິນ ແລະ ສິ່ງອຳນວຍຄວາມສະດວກໃນການຄົມມະຄົມທາງອາກາດຢ່າງເປັນລະບົບ.

ການເຊັນສັນຍາລະຫວ່າງລັດຖະບານລາວກັບບໍລິສັດດອກງິ້ວຄຳຈຳກັດ ເມື່ອວັນທີ 16 ມັງກອນປີ 2012  ທີ່ນະຄອນຫລວງວຽງຈັນແມ່ນເພື່ອກຳນົດຫລັກການລວມ ຂອງການກໍ່ສ້າງສະຫນາມບິນສາກົນແຫ່ງດັ່ງກ່າວ ເພື່ອໃຫ້ສາມາດລົງມືລິເລີ່ມໄປຕາມຂັ້ນຕອນເປັນຕົ້ນແມ່ນ: ການສຳຫລວດຈັດສັນທີ່ດິນ, ການສຳຫລວດອອກແບບ ການກໍ່ສ້າງ, ການສ້າງບົດວິພາກເສດຖະກິດ-ເຕັກນິກ ແລະ ການປະເມີນຜົນກະທົບດ້ານສິ່ງແວດລ້ອມ ແລະ ສັງຄົມ.

ຢ່າງໃດກໍ່ດີໃນຮູບແບບການລົງທຶນກໍ່ສ້າງສະຫນາມບິນສາກົນເມືອງຕົ້ນເຜິ້ງ ແຂວງບໍ່ແກ້ວ ແມ່ນພາຍໃຕ້ຮູບແບບກໍ່ສ້າງແລ້ວມອບໂອນ (BT) ໂດຍຜູ້ລົງທຶນເປັນຜູ້ຮັບ ຜິດຊອບກ່ອນລັດຖະບານຈະຊຳລະຕາມຫລັງ. ໃນເນື້ອທີ່ທີ່ລັດຖະບານຫາໃຫ້ເທົ່ານັ້ນແຕ່ດ້ານຄ່າທົດແທນຄວາມເສຍຫາຍຂອງປະຊາຊົນແມ່ນຜູ້ພັດທະນາຮັບຜິດຊອບ ທັງຫມົດ.

ໂຄງການກໍ່ສ້າງສະຫນາມບິນໃນເຂດເສດຖະກິດພິເສດ  ສາມຫລ່ຽມຄຳແມ່ນເປົ້າຫມາຍຫນຶ່ງຂອງການພັດທະນາພື້ນຖານໂຄງລ່າງຢູ່ທ້ອງຖິ່ນເພື່ອເນັ້ນໃສ່ພັດທະນາ ແລະ ສົ່ງເສີມວຽກງານການຄົມມະນາຄົມທາງອາກາດໃຫ້ມີຄວາມເຂັ້ມແຂງ, ສ້າງເປັນເສັ້ນທາງເຊື່ອມໂຍງກັບສາກົນໄດ້ງ່າຍຂຶ້ນທັງນີ້ກໍ່ເພື່ອອຳນວຍຄວາມສະດວກໃນ ການດຶງດູດການລົງທຶນ, ນັກທ່ອງທ່ຽວທັງພາຍໃນ ແລະ ຕ່າງປະເທດເພື່ອສ້າງເງື່ອນໄຂ ແລະ ທ່າແຮງໃນການພັດທະນາເຂດພາກເຫນືອຂອງ ສປປ ລາວ.

ທ່ານ ຈ້າວເວີຍ ປະທານສະພາບໍລິຫານເສດຖະກິດເຂດເສດຖະກິດພິເສດສາມຫລ່ຽມຄຳທັງເປັນປະທານກຳມະການບໍລິສັດດອກງິ້ວຄຳຈຳກັດໃຫ້ສຳພາດກັບສື່ວ່າ: ເຂດ ສາມຫລ່ຽມຄຳນີ້ແມ່ນເປັນການສ້າງຮາກຖານໂຄງລ່າງທາງເສດຖະກິດ ເພື່ອຮ່ວມຕົວກັນທັງ 3 ປະເທດຕັ້ງຫນ້າສູ່ເວທີການຄ້າເສລີອາຊຽນ-ຈີນທີ່ຈະມີໃນຕໍ່ຫນ້າ.

ຈ້າວເວີຍ ຍັງໃຫ້ຮູ້ອີກວ່າ: ໄລຍະຕົ້ນຂອງການເຊັນສັນຍາກັບລັດຖະບານລາວເຂດສາມຫລ່ຽມຄຳຈະໄດ້ດຳເນີນໂຄງການພັດທະນາເຂດເສດຖະກິດຄົບວົງຈອນທັງພາກ ການຄ້າ ແລະ ບໍລິການເພື່ອນຳໄປສູ່ການເປັນແຫລ່ງທ່ອງທ່ຽວທາງທຳມະຊາດ ເຊິ່ງຄາດວ່າຈະມີກຸ່ມນັກທ່ອງທ່ຽວເດີນທາງມາຍັງເຂດສາມຫລ່ຽມຄຳຫລາຍກວ່າ 2 ແສນ ຄົນຕໍ່ປີ.

Department Of Science And Technology Bokeo Province

 

ກ່ຽວກັບພວກເຮົາ

 

ພະແນກ ວິທະຍາສາດ ແລະ ເຕັກໂນໂລຊີ ແຂວງບໍ່ແກ້ວ ມີຈຳນວນບຸກຄະລາກອນທັງໝົດ 20 ສະຫານ

ຄະນະພະແນກ 03 ທ່ານ

  1. ທ່ານ ດວງເພັດ ສີລິທັມ           ຫົວໜ້າ
  2. ທ່ານ ຄຳເຊື່ອນ ສີສະເດດ         ເປັນຮອງ
  3. ທ່ານ ເຖົາແກ້ວ ໜໍ່ສີງຄຳ           ເປັນຮອງ

ຫົວໜ້າ ຂະແໜງການ 04 ທ່ານ

  1. ທ່ານ ບຸນລັງ ສຸບັນກອງ   ຫົວໜ້າຫ້ອງການ
  2. ທ່ານ ບຸນທັນ ແກ່ນນວນ  ຂະແໜງຊັບສີນ
  3. ທ່ານ ກອງມີ ສຸດເທດລັດ    ຂະແໜງ ເຕັກໂນໂລຊີ ຂໍ້ມູນຂ່າວສານ
  4. ທ່ານ ນ. ສົມລິດ ພີມມະສອນ ຂະແໜງ ວິທະຍາສາດ ແລະ ເຕັກໂນໂລຊີ

ສະມາຊິກ  13 ທ່ານ

ບໍ່ແກ້ວ ແຂວງທີ່ນ້ອຍສຸດໃນປະເທດລາວ

ບໍ່ແກ້ວ ແຂວງທີ່ນ້ອຍສຸດໃນປະເທດລາວ

Photo

ການເລືອກຕັ້ງສະມາຊິກສະພາແຫ່ງຊາດຊຸດທີ VII ເຂດເລືອກຕັ້ງທີ 5 ແຂວງບໍ່ແກ້ວ

ການປ່ອນບັດເລືອກຕັ້ງ ສະມາຊິກສະພາແຫ່ງຊາດ ຊຸດທີ VII ຢູ່ເຂດເລືອກຕັ້ງ ທີ 5 ແຂວງບໍ່ແກ້ວ, ແມ່ນ ໄດ້ເລີ່ມໄຂຫີບບັດໃນເວລາ 7 ໂມງ 00 ນາທີ ຕອນເຊົ້າໂດຍເອກະ ພາບກັນ ໃນຂອບເຂດທົ່ວປະເທດ. ສຳ ລັບຢູ່ແຂວງບໍ່ແກ້ວ ປະກອບມີ 5 ເມືອງ, ມີ 281 ບ້ານ,

ທົ່ວແຂວງລວມມີໜ່ວຍເລືອກຕັ້ງ 150 ໜ່ວຍ, ມີພົນລະເມືອງທັງໝົດ 166.000 ຄົນ, ຍິງ 81.415 ຄົນ ໃນນີ້: ຜູ້ມີສິດປ່ອນບັດເລືອກຕັ້ງ 89.303 ຄົນ, ຍິງ 45.178 ຄົນ. ສຳລັບໜ່ວຍ ເລືອກຕັ້ງທີ9ຢູ່ໂຮງຮຽນປະຖົມບໍ່ແກ້ວ ໄດ້ໄປໃຊ້ສິດຂອງຕົນ ນຳໂດຍທ່ານ ຄຳໝັ້ນ ສູນວິເລີດ, ກຳມະການສູນ ກາງພັກ, ເລຂາພັກແຂວງ, ເຈົ້າແຂວງໆບໍ່ແກ້ວ, ພ້ອມດ້ວຍຄະນະ, ສໍາລັບບັນຍາ ກາດ ຢູ່ເຂດເລືອກຕັ້ງທີ 5 ໃນທົ່ວແຂວງບໍ່ແກ້ວນີ້ ພໍແຕ່ຄະນະໜ່ວຍ ກຳມະການເລືອກຕັ້ງ ໄດ້ ເປີດຫີບບັດ ພະນັກງານ ລັດຖະ ກອນ ແລະ ປະຊາຊົນບັນດາເຜົ່າ ຜູ້ທີ່ມີສິດປ່ອນບັດກໍໄດ້ພາກັນ ຕື່ນຕົວ ຫຼັ່ງໄຫຼເຂົ້າມາໃຊ້ ສິດຂອງຕົນຢ່າງເປັນຂະບວນຟົດຟື້ນ. ນອກຈາກນີ້ ບັນຫາທາງດ້ານ ຄວາມສະຫງົບສຸກ ແມ່ນມີຄວາມເປັນລະບຽບຮຽບຮ້ອຍດີ, ບໍ່ມີສະພາບໃດເກີດ ຂຶ້ນ, ຜູ້ມີສິດປ່ອນ ບັດທຸກຄົນ ໄດ້ມາໃຊ້ສິດຂອງຕົນຢ່າງເຕັມສ່ວນຄົບຖ້ວນ 100% ./.

ໂຄງການກໍ່ສ້າງສະໜາມບິນເມືອງຕົ້ນເຜີງ

ໂຄງການສນາມບິນ ເມືອງຕົ້ນເຜີ້ງ

ມະນີຈັນ
2012-08-07

ຊາວເມືອງຕົ້ນເຜິ້ງ ແຂວງບໍ່ແກ້ວ ປະມານ 20 ຄອບຄົວ ອາດຖືກຍ້າຍ ອອກຈາກພື້ນທີ່ ເຂດກໍ່ສ້າງ ເດີ່ນຍົນ ຂອງກຸ່ມ ບໍຣິສັດ ດອກງິ້ວຄໍາ ໃນປີ 2013.

ຊາວບ້ານຄວນ ເມືອງຕົ້ນເຜິ້ງ ແຂວງບໍ່ແກ້ວ ປະມານ 20 ຄອບຄົວ ຢູ່ໃນເຂດ ທີ່ຈະສ້າງເດີ່ນຍົນ ຂອງກຸ່ມ ບໍຣິສັດ ດອກງິ້ວຄໍາ ນັ້ນອາດຕ້ອງ ຖືກຍ້າຍອອກ ໄປຢູ່ບ່ອນໃໝ່ ໃນປີ 2013. ຕາມຄໍາເວົ້າຂອງ ເຈົ້າໜ້າທີ່ ແຂວງບໍ່ແກ້ວ ໃນວັນທີ 6 ສິງຫາ ນີ້. ທ່ານກ່າວວ່າ:

“ອາດຈະເປັນ ປີໜ້າ ຫລາຍກວ່າເນາະ ປະມານ 20 ຄອບຄົວ ນີ້ແຫລະ ຍ້າຍກະແຖວໆຫັ້ນ ແຫລະເນາະ ມັນມີບ້ານຄວນ ຂະເຈົ້າຈັດໄປ ບ່ອນຫັ້ນ ເພາະວ່າມັນມີທີ່ດິນ ຫວ່າງ ມັນຍັງບໍ່ໄດ້ ເຮັດຫຍັງ ຈັກຢ່າງ”.

ເຈົ້າໜ້າທີ່ ເວົ້າຕື່ມວ່າ ຕາມແຜນເດີມ ທາງການ ແຂວງບໍ່ແກ້ວ ຈະໃຫ້ຍ້າຍອອກ ໃນປີ 2012 ນີ້ ແຕ່ໂຄງການ ເດີ່ນບິນ ນັ້ນຖືກໂຈະຊົ່ວຄາວ ຈຶ່ງເຮັດໃຫ້ການ ໂຍກຍ້າຍ ຊາວ ບ້ານ ເລື່ອນໄປ ແຕ່ກໍຄົງຈະ ແນ່ນອນວ່າ ໂຄງການນັ້ນ ຈະກັບມາເລີ່ມອີກ ໃນປີ 2013 ແລະ ກ່ຽວກັບການ ໂຈະນັ້ນ ຍັງບໍ່ຮູ້ສາເຫດເທື່ອ.

ເມື່ອຕົ້ນປີ 2012 ກຸ່ມດອກງິ້ວຄໍາ ໄດ້ເຊັນສັນຍາ ກັບ ຣັຖບານລາວ ກ່ຽວກັບການຂໍ ສັມປະທານທີ່ດິນ ໃນເມືອງ ຕົ້ນເຜິ້ງ ຈໍານວນ 250 ເຮັກຕາຣ ເພື່ອໃຊ້ສ້າງ ເດິ່ນບິນ ໃກ້ກັບ ເຂດເສຖກິດ ພິເສດ ສາມຫລ່ຽມຄໍາ ທີ່ດິນນັ້ນ ກວມເອົາດິນ ຂອງ ປະຊາຊົນ 200 ເຮັກຕາຣ ຖືວ່າ ປະຊາຊົນ ໄດ້ຮັບຜົນກະທົບ ຫລາຍສົມຄວນ ເຖິງແມ່ນວ່າ ທາງບໍຣິສັດ ກໍຕຣຽມ ທີ່ຈະທົດແທນ ຄ່າເສັຽຫາຍ ໃຫ້ກໍຕາມ ແລະວ່າ ຫາກໂຄງການນັ້ນ ເລີ່ມລົງມື ກໍ່ສ້າງ ທາງກຸ່ມ ດອກງິ້ວຄໍາ ກໍຈະເລັ່ງສ້າງ ໃຫ້ແລ້ວພາຍໃນ ເວລາ 8 ເດືອນ.

ສ່ວນເຣື່ອງແຮງງານ ທີ່ຈະໃຊ້ ໃນການກໍ່ສ້າງນັ້ນ ເຈົ້າໜ້າທີ່ ຜແນກແຮງງານ ແຂວງບໍ່ແກ້ວ ເຄີຍເວົ້າວ່າ ກຸ່ມບໍຣິສັດນີ້ ຈະນໍາແຮງງານ ມາຈາກຈີນ ຕາມສັນຍາ ທີ່ໄດ້ເຊັນ ກັບ ຣັຖບານລາວ ໂດຍຈະບໍ່ຂຶ້ນ ກັບຜແນກແຮງງານ ແຂວງບໍ່ແກ້ວ ແຕ່ຢ່າງໃດ.